het am 1. Mai 2013 dr 80. Geburtstag gha mir Gratuliere ganz härzlich!

Uf Afroog vom sim Fründ em Pit, ha ich dr Schorsch dörfe ins Haafebeggi 2 fahre
wo unsere beliebteschte Schnitzelbänggler e Gedängg Tafele gschänggt becho het.

E kurze, aber e wunderscheene historische Alass mit viel Emotione.

I ha denn die Glägeheit gnutzt und ganz lieb gfroggt ob Er firs Rhytaxi e Värs cha brünzle
und Juhuiii dr Schorsch het e wunderscheene Värs gschiggt, e grossi Ehr fir uns!!!
Viiele härzligge Dangg liebe Schorsch, i ha e riese Freud!!!

s git hüt no Lüt dye häns nit duss
s git uffem Rhy e bsundere Gnuss
und muesch nit jeedes fünfi spaare
denn laischt dir das due Rhytaxi faare
de kasch im Internet go sueche
es sinn vier Taxi wo kasch bueche
Rhyblitz d Rhyperle s'Rhydampferli und Rhymugge
dört druff kasch ässe und au schlugge
zum Byspyl wenn ihr Fondüü nämme
do lauft im Muul grad s Wasser zämme
e Sicherhait und Rueh kasch gspüüre
well vorne duet dr René stüüre
und wärend der Fahrt duet är verzelle
vom Haafe wo hesch aane welle
är fahrt jetz au syt Afang Mai
mit dir ins Haafebeggi 2
und du gseesch diräggt vom Disch
wo dr Schorsch dehaime isch
also göönden doch go bsueche
kasch bi rhytaxi-basel.ch bueche
es isch so schön wye uff Hawai
e Fahrt ins Haafebeggi 2

 

do gohts zrugg uf d Homepage: Zur Hauptseite Rhytaxi